Igrexa de Santa María Madalena

Aínda que esta igrexa data do século XII, a sua orixe podería ser anterior. Antigamente era coñecida co título e advocación de San Xés e a sua ubicación primitiva estaba no interior do castelo, onde aínda quedan restos do camposanto. No século XIV, por mor da ampliación da fortaleza, Pedro Ruíz Sarmiento decidiu trasladala ó seu emprazamento actual. Durante boa parte do medievo esta igrexa dependeu do mosteiro de Celanova e probablemente esta parroquia xogou un importante papel na cristianización dos xudíos. A partires de 1486 coménzase a nomear ó templo co nome de Sta. María Madalena. Aínda que actualmente esta igrexa reservase para actividades lúdico-recreativas, podemos ver nela un templo dunha soa nave e fachada barroca, na que destaca o campanario.

No seu interior sobresae a bóveda de arista que cubría o altar. A edificación actual foi renovada no século XVIII e retocada polo seu exterior, con un lavado de fachada e con unhas novas instalacións de saneamento e electricidade no seu interior.

Entre as actividades lúdico-recreativas que se levan a cabo destaca, a Cea Medieval na festa da istoria, así como exposicións de pintura e fotografía, ademáis de ser utilizada como cine infantil e festa de fin de ano entre outras.