A Mostra Internacional de Teatro de Ribadavia contará este ano con 24 compañías de Alemaña, Brasil, Portugal, Arxentina, Galicia e o resto de España, en actuacións distribuídas entre o Castelo, a Igrexa da Madalena, a Casa da Cultura, as rúas da vila e os barrios do municipio.
A pregoeira desta edición será a actriz galega María Bouzas. O acto de lectura levarase a cabo durante a inauguración, o sábado 19 ás sete do serán.

O alcalde de Ribadavia, Marcos Blanco Jorge, o concelleiro de Cultura, Anxo Collarte, e o director da MIT, Rubén García, presentaron o día 25 de xuño de 2008 o listado dos espectáculos de Alemaña, Brasil, Portugal, Arxentina, Galicia e o resto de España que estarán na Mostra Internacional de Teatro de Ribadavia entre o 19 e o 26 de xullo

A programación divídese entre as actuacións no Castelo, as vangardas na Igrexa da Madalena, as creacións para nenos na Casa da Cultura, os espectáculos de rúa e as obras nos barrios

Salientamos , Familie Flöz quepropón unha comedia negra de máscaras, Circolando unha performance poética e visual, Camut Band un hipnótico espectáculo de danza e Teatro en el Aire un baño tradicional musulmán reservado para o público feminino, as últimas montaxes de Familie Flöz, Camut Band, Uroc, Meridional ou Circolando, son unha performance de perruquería creativa. Outro espectáculo destacado será Aeroplanos, a última creación de Lagarta Lagarta. A compañía de Ernesto Chao (nativo de Ribadavia) acode á MIT en calidade de gañadora do premio do público na edición do ano pasado.

“Estamos poñendo as bases para que a do próximo ano sexa, coincidindo co 25 aniversario, todo un salto cualitativo”, asegurou Marcos Blanco Jorge, destacado que, este ano, a MIT contará con servizos coma o de venda electrónica de entradas. Anxo Collarte destacou, pola súa parte, a calidade dos espectáculos polos que aposta a MIT, que na súa maior parte son estreas para o público galego.
Pola súa parte, o director da MIT, Rubén García, expresou o seu convencemento de que a programación da MIT 2008 “está feita para todos os públicos”.
Neste sentido, o auditorio do Castelo acollerá os espectáculos de maior tirón popular, mentres que as obras máis innovadoras van centralizarse na Igrexa da Madalena. Os nenos e as nenas terán o seu espazo na Casa da Cultura, e as rúas da vila converteranse nun escenario para a liña de programación titulada Ruadavia. Os barrios terán tamén o seu protagonismo cun espectáculo itinerante que os percorrerá durante varios días.
Reserva de Entradas:
As entradas poden mercarse na oficina da MIT, situada na rúa García Penedo, ao lado da praza Maior de Ribadavia. Como novidade para esta 24 edición, os tickets poden comprarse a través do servizo de venda de localidades de Caixanova, na páxina www.caixanova.es, ou no teléfono 902 504 500. Tamén se poderán mercar entradas xusto antes dos espectáculos. Para as funcións do Castelo, previstas para as 23.00h., a taquilla estará aberta desde as 21 ás 22.30h.
Os prezos son os seguintes:
Castelo: Entradas numeradas (Bloques 1, 2 e 3): 5 € (4 € para desempregados, estudantes e xubilados).
Entradas sen numerar (Bloques 4 e 5): 4 € (prezo único).
Igrexa da Madalena: 5 € (4 € para desempregados, estudantes e xubilados).
Casa da Cultura: 1 € para nenos e nenas; 2 € adultos.
O resto dos espectáculos son de entrada libre.

Programa oficial da XXIV Mostra Internacional de Teatro Ribadavia.