A Adega Terra do Castelo recolle a produción de 104 socios cooperativistas, donos de aproximadamente 200 hectáreas de viñedos. Os seus obxectivos son uni-los coñecementos da terra, coa tecnoloxía máis alta existente na actualidade.
As instalacións están deseñadas con intencionalidade de futuro, albergando a mellor tecnoloxía disposta no medio máis eficaz, fusionando pedra, madeira e elementos autóctonos. A súa arquitectura captou dende o primeiro momento a tradición da rexión e trasladouna ós espazos interiores, de forma que aínda dentro de, sempre permanece a sensación de estar nun medio da nosa historia. Viños que comercializa:
Terra do Castelo.TREIXADURA.
Froito da selección das nosas mellores uvas da variedade treixadura, nace este viño de forte personalidade varietal, equilibrado, corpóreo e longo.
Acompañante ideal de toda a cociña tradicional.
Terra do Castelo.SELECCIÓN.
Das mellores vides dos nosos viñedos, despois dun riguroso seguimento e estrito control da produción, a uva obtida é sometida a maceración en frío, e só a partir do mosto de flor resultante, condúcese a fermentación a temperatura moi baixa para obter un viño de maior expresividade, ó que se confire unha personalidade inconfundible tras crialo sobre as súas leas finas.
Terra do Castelo.MENCÍA.
Froito da esmerada selección e aplicando as técnicas máis modernas de elaboración nace este viño de espírito ledo e amable.
Acompañante ideal de toda a cociña tradicional.