Situada en Moces, parroquia de Quins, Concello de Melón (Ourense), a un quilómetro da Ctra Nacional 120 e próxima á saída da autovía A-52 Ourense-Vigo.
É unha vivenda de carácter rural e de construción tradicional, con muros de cantería e de tipoloxía de casa de labranza. Consta de dúas plantas.
Na planta baixa, posúe unha adega, comedor e un lavandeiro, na planta alta conta con tres dormitorios, dous baños, salón e cociña (leña/vitrocerámica), Tv e calefacción.
Dispón ademais de dúas terrazas, cunha superficie construída en cada planta de 87,50 m2, aparte dun patio e xardín..
Esta casa vacacional ten unha antiguedade próxima ós cen anos, aínda que foi renovada nos anos 1953 e posteriores.
Neste pobo pode gozar dunha excelente tranquilidade. Ademais de estar rodeada de montañas e dunha gran paisaxe. A un quilómetro podemos atopa-las famosas "Pozas de Melón" no río Cerves, de gran interese turístico e as cataratas do "Tourón" situadas no pobo de "O Tourón" (Melón).