Casa familiar do século XIX e rehabilitada recentemente, situada no pobo de Fiscás (Concello de Carballeda de Avia) a 5 minutos de Ribadavia. Historias de ata 3 xeracións gardan as paredes desta casa construída en pedra e madeira.
A casa é unha edificación de 3 plantas. A primeira planta conta cun comedor cun aforo de ata 20 comensais, un baño, unha cociña e un salón con cheminea (antigamente estanza onde se gardaban os apeiros de labranza).
A segunda planta componse de tres habitacións dobres con baño, unha delas adaptada para minusválidos e unha cociña, cuia característica principal é o seu antigo forno de leña onde se cocía o pan.
A terceira planta conta cunha suite dotada de habitación, salón-comedor e baño, cun espectacular teito de madeira que lle da un ambiente acolledor.